மொழிபெயர்ப்புச் சிறுகதைகள்

கனவுகளுடன் பகடையாடுபவர் (சிறுகதைகள், நோபல் உரைகள், கட்டுரைகள்)
தமிழில்: ஜி. குப்புசாமி
விலை ரூ.140 Order Now

நற்றிணை பதிப்பகத்தின் உலக இலக்கிய மொழியாக்கத் திட்டத்தின் கீழ் வெளிவரும் மிகச்சிறந்த மொழிபெயர்ப்பு நூல் இது. அண்மைக் காலத்தில் முக்கிய மொழியாக்கக் கலைஞராகக் கவனம் பெற்றுவரும் ஜி.குப்புசாமியின் மொழிபெயர்ப்பில், உலகச் சிறுகதை ஆசிரியர்களில் முக்கியமான ரேமண்ட் கார்வெர், இளம்தலைமுறைக் கலைஞர்களில் சிறந்த கெவின் பிராக்மைர், அமெரிக்க நவீன எழுத்தின் பிதாமகர் டோபியாஸ் உல்ஃப், நைஜீரிய எழுத்தாளர் சீமமாண்டா அடீச்சி ஆகியோரின் கதைகள் இந்நூலில் இடம்பெற்றுள்ளன.

நோபல் பரிசு பெற்ற ஹொஸே ஸரமாகோ, ஓரான் பாமுக், குந்தர் கிராஸ், நாகிப் மாஃபௌஸ் ஆகியோரின் தன் வரலாறு சார்ந்த நோபல் உரைகளும் சல்மான் ருஷ்டி மற்றும் ஓரான் பாமுக்கின் கட்டுரைகளும் இத்தொகுதிக்கு மிகுந்த வலுச்சேர்க்கின்றன. தமிழ்ப் படைப்பு மற்றும் வாசிப்புச் சூழலை மாற்றியமைக்கும் புத்தகம் இது.

கலகம் செய்யும் இடது கை (பிரெஞ்சு சிறுகதைகள்)
தமிழில்: வெங்கட சுப்புராய நாயகர்
விலை ரூ.90 Order Now

வெங்கட சுப்புராய நாயகரின் மொழி எளிமையானது. அதோடு இயல்பானது. சாதாரண வாசகரும் அவரை வாசிக்கக்கூடும் என்பது இந்தப் புத்தகத்தின் பலம். புலமையை விரிப்பதல்ல இலக்கியத் தளம். மனங்களை இணைப்பதே மொழியாக்கத்தின் முக்கியப் பணி. சுப்புராய நாயகர் அதைச் செய்திருக்கிறார்.

இத்தொகுப்பைப் பற்றிய இரண்டு முக்கிய விஷயங்கள்: ஒன்று, இக்கதைகள் நம் கதைகளோடு ஒப்பு நோக்கப்படவேண்டும். நாம் கற்க நிறைய இருக்கிறது. நாம் திருப்தியடையவும் இடம் இருக்கிறது. இரண்டு, உலக இலக்கியம் தமிழர்க்குக் கையெட்டும் தூரத்தில்தான் இருக்கிறது என்ற நம்பிக்கையை இத்தொகுப்புக் கதைகள் தோற்றுவிக்கின்றன.

பிரபஞ்சன்
ஆல்ஃபிரெட் ஹிட்ச்காக் தொகுத்த மர்மக் கதைகள்
பதினான்காவது அறை
தமிழில்: யூமா வாசுகி
விலை ரூ.120/- Order Now

அச்சங்களின் அழகைக் கண்டறிந்த ஒரே ஒரு திரைப்பட கலைஞர் ஹிட்ச்காக் தான். மர்மத் திரைப்படம் எடுப்பது மட்டுமல்லாது அச்சம் தரும் திகில் கதைகளைத் தேர்ந்தெடுத்துத் தொகுப்பதையும் தன் கலைச் செயல்பாடுகளின் ஒரு பகுதியாக அவர் செய்தார். அவ்வாறு அவர் தேர்ந்தெடுத்த சிறந்த ஏழு துப்பறியும் கதைகளின் தமிழாக்கம்தான் இத்தொகுப்பு. ஹிட்ச்காக் தேர்ந்தெடுத்த கதைகள் துப்பறியும் மர்மக் கதை வாசகர்களுக்கு ஒரு வரம்போல் இன்றும் நிலைத்திருக்கின்றன.

ஆடும் குதிரை (சிறுகதைகள்)
தமிழில்: என். கே. மகாலிங்கம்
விலை ரூ.140 Order Now

சிறந்த உலக இலக்கியங்களைத் தமிழுக்குக் கொண்டுவரும் நற்றிணை பதிப்பகத்தின் உலக இலக்கிய மொழியாக்கத் திட்டத்தின் கீழ் வெளிவரும் உலகச் செவ்விலக்கியச் சிறுகதைத் தொகுதி இது.

கனடாவில் வசிக்கும் மொழிபெயர்ப்பாளர் என். கே. மகாலிங்கம், தொடர்ந்து செய்து வரும் மொழியாக்கப் பணிகளின் மூலம் மிகுந்த கவனிப்பையும் பாராட்டுகளையும் பெற்றவர். மிகவும் குறைவாகவே தமிழில் அறிமுகமாகியிருக்கும், ஆனால் அதிகம் அறியப்பட வேண்டிய ழான் போல் சார்த்தர் மற்றும் தஸ்தாயெவ்ஸ்கி, டி.எச்.லாரன்ஸ், ஜூம்பா லஹிரி, அமெரிக்காவின் வியட்நாம் யுத்தம் பற்றிய பல விரிந்த சித்திரங்களைத் தந்த ரிம் ஓ பிரையன், கனேடிய தேசத்தின் முகம் என்று சொல்லத்தக்க மார்கரெட் அட்வுட் முதலான பல உலக இலக்கிய ஆளுமைகளை மிகுந்த கவனத்தோடும் விசுவாசத்தோடும் தமிழில் கொண்டு வந்திருக்கிறார் என். கே. மகாலிங்கம்.

மிகச் சிறந்த கதைகளை எளிமையான மொழியில் கொண்டுவரும் சிரமத்தை மிக எளிதாகக் கடந்து வெற்றி பெற்றிருக்கிறார் என். கே. மகாலிங்கம்.

சவாரி விளையாட்டு (புனைகளம் இதழ் சிறுகதைகள்)
தொகுப்பாசிரியர்: சி. மோகன்
விலை ரூ.200 Order Now

ஓர் அதீதப் புனைவுப் பயணத்துக்கான புதிர்ப் பாதைகள் இத்தொகுப்பில் விரிந்து கிடக்கின்றன.

ஜூலியோ கொர்த்தஸார், மிலன் குந்தேரா, யசுனாரி கவபத்தா, பூபென் கக்கர், ஸிந்தியா ஒசிக் ஆகிய மகத்தான படைப்பாளிகளின் பிரமிப்பூட்டும் புனைவு வெளிகளில் நிகழும் இந்த அபூர்வமான பயணத்தில் மனித இயல்பின் இருண்ட பகுதிகளில் ஒளி பாய்கிறது. இவர்களுடைய படைப்புலகை ஸ்பரிசிக்கும்போது நம் மனம் கொள்ளும் விகாசம் நம் இருப்பை ஒளிரச் செய்கிறது. நம் வாசிப்பின் கற்பனைகளில் முழுமை பெறும் படைப்புகள் இவை.

தமிழ் அடைந்திருக்கும் பேறுகளில் ஒன்று இத்தொகுப்பு.

சி. மோகன்